Sususpendihin ng lokal na pamahalaan ng Valenzuela City ang business permit ng North Luzon Expressway (NLEX) corporation.
Ito ang ibinabala ni Valenzuela City Mayor Rex Gatchalian, kung mabibigo ang NLEX na magpaliwanag at magsumite ng kanilang action plan para matugunan ang problema sa trapiko sa tollway nito.
Ayon kay Gatchalian, mayroon lamang 24 oras ang NLEX para maghain ng kanilang action plan upang masolusyonan ang matinding trapiko sa kanilang tollway.
Gayundin ng 72 oras para naman magpaliwanag kung bakit hindi dapat suspendihin o bawiin ang kanilang business permit.
Iginiit naman ni Gatchalian na hindi siya tutol sa pagpapatupad ng RFID dahil tamang teknolohiya aito.
Gayunman, pitong taon na aniya ito magmula ng simulang subukan ito pero hindi pa rin naisasaayos ang kanilang sistema.
