Idineklara ni Pangulong Rodrigo Duterte bilang national bicycle day ang ika-apat na linggo Nobyembre kada taon.
Sa nilagdaang Proclamation 1052 ni Pangulong Duterte, inatasan nito ang Department of Environment and Natural Resources (DENR) na pangunahan ang lahat ng mga aktibidad na may kaugnayan sa taunang okasyon.
Maaari namang makipag-ugnayan ang DENR sa mga naangkop na non-government organizations at civil society groups para rito.
Nakasaad din sa proklamasyon ang pangangailan para kilalanin ang kahalagahan ng non-motorized transportation bilang bahagi ng pagsusulong sa sustainable development.
Gayundin, upang itaguyod ang environmental health na kaaya-aya rin sa pisikal na kalusugan at pangkalahatang kabutihan ng lahat ng mga Filipino.
