Patay ang isang sub leader ng Daulah Islamiyah at limang iba pa matapos manlaban sa mga awtoridad sa Polomolok, South Cotabato.
Kinilala ni Western Mindanao Command (Wesmincom) Chief Lt/Gen. Corleto Vinluan ang napatay na sub leader na si Arafat Bulacon alyas Maula.
Ayon kay Vinluan, magsisilbi lamang ng warrant ang mga awtoridad laban kay Bulacon dahil sa kasong murder subalit bigla nitong pinaputukan ang mga aaresto sa kaniya.
Dahilan upang gumanti ng putok ang mga awtoridad na nagresulta sa pagkasawi nito at ng lima pa niyang kasamahan habang dalawang pulis mula sa Special Action Force (SAF) naman ang sugatan.
Nakuha mula sa grupo ni Bulacon ang isang ISIS flag at improvised explosive device (IED).
Nabatid na si Bulacon ang isa sa mga nasa likod ng pagpapasabog sa General Santos City noong 2018 at sangkot din ito sa iba’t-ibang krimen sa lugar.
