Nanguna ang lungsod ng San Juan sa mga lugar sa bansa na mamamahagi ng P8,000 ayuda sa ilalim ng emergency subsidy program salig sa Bayanihan 2 Act.
Ito ang ipinagmalaki ni San Juan City Mayor Francis Zamora katuwang ang Department of Social Welfare and Development (DSWD) kasunod ng isinagawang payout sa Filoil Flying V Center o San Juan Arena nitong Sabado.
Ayon kay Zamora, labis nilang ikinatutuwa na napili ang San Juan bilang kauna-unahang lungsod sa bansa na nakapamahagi ng ayuda para sa mga pinakamatinding naapektuhan ng coronavirus disease 2019 (COVID-19) pandemic.
Kabilang sa mga unang nakatanggap ng P8,000 ayuda ang 99 anyos na babaeng residente mula sa Brgy. Corazon De Jesus.
