Posibleng payagan na muli ng pamunuan ng Department of Trade of Industry (DTI) ang ‘mall-wide’ sales para makaakit ng mas marami pang mamimili at makatulong sa muling pagpapasigla ng ating ekonomiya.
Ayon kay DTI Secretary Ramon Lopez, kakaunti lang ang mga nagpupunta sa malls dahil sa banta sa COVID-19.
Mababatid sa datos ng DTI, nasa 95% na ang pinayagan muli ng ahensyang magbalik operasyon para makabawi ang mga ito sa naging masamang epekto ng pandemya.
Pero pagdidiin ni Secretary Lopez, bagamat unti-unti nang niluluwagan ang restrictions sa bansa, dapat pa rin aniyang mahigpit na ipatupad at sundin ang mga umiiral na health protocols sa pagpunta sa iba’t-ibang establisyimento.
