Aalamin ng Malakanyang ang katotohanan sa alegasyong nagsagawa ng party si Philippine National Police Chief Police General Archie Francisco Gamboa sa Baguio City.
Ayon Kay Presidential Spokesperson Harry Roque, tatanungin nila si Gamboa kung totoong nagkaroon ng party at kung nagkaroon man ay pagpapaliwanagin nila ito.
Una nang dumipensa si Gamboa na hindi party kundi isang dinner lamang ang naganap sa Baguio kung saan ipinatupad pa rin ang safety protocol tulad ng social distancing.
Samantala sinabi ni Roque na nalalapit nang ianunsiyo ng malakanyang ang susunod na PNP chief kasunod ng nakatakdang pagreretiro ni Gamboa sa September 2.
