Hiniling ni Senador Christopher “Bong” Go sa Inter-Agency Task Force (IATF) na pag-aralang mabuti ang mga disenyo ng mga motorcycle shield na gagamitn sa pag-aangkas o backriding.
Ayon kay Go, hindi dapat madaliin pagdedesisyon at pag-aapruba rito,
Lalo’t kaligtasan ng mga rider at Angkas nito ang nakasalalay.
Pagdidiin pa ni Go, mas makabubuti kung pakikinggan ng task force ang mga suhestyon ng mga nagmomotorsiklo at mga safety experts,
Nang hindi na makadagdag pa sa covid-crisis ang anumang problema sa kaligtasan na maaaring mangyari hinggil sa paggamit ng backriding shield.
Paliwanag ni Go, mismong siya ay nagmomotorsiklo, kaya’t alam niya ang sentimyento ng mga kapwa nagmomotorsiklo hinggil sa isyu.
Samantala, nagpaalala naman si Senador Christopher “Bong” Go, na bagama’t pinapayagan na ang paglabas sa mga kabahayaan, siguraduhin pa rin aniyang sumusunod sa safety protocols kontra COVID-19,
At kung hindi naman maahalaga ang pupuntahan, mas mainam ani Senador Go na manatili na lamang sa bahay.
