Idineklara ni Pangulong Rodrigo Duterte ang special non-working holiday sa lungsod ng Pasig, ngayong araw ng Huwebes, ika-2 ng Hulyo.
Ang deklarasyon ng pangulo ay alinsunod sa Presidential Proclamation 975 bilang paggunita sa Araw ng Pasig ngayong taon.
Kasunod nito, sinabi ni Pasig City Mayor Vico Sotto na sa kabila ng pagdiririwang ng araw ng lungsod, wala munang idaraos na malaking selebrasyon bilang pag-iingat na rin sa nagpapatuloy na banta ng coronavirus disease 2019 (COVID-19) pandemic.
Samantala, nanawagan din si Sotto sa mga residente nitong walang pasok na manatili na lamang sa kani-kanilang mga kabahayan.
