Bubuksan nang muli sa publiko ang Camp John Hay sa Baguio City simula Hunyo 30.
Batay sa ipinalabas na abiso ng Pamahalaang Lokal ng Baguio City, papayagan na ang mga aktibidad na may kinalaman sa recreation at leisure tulad ng pamamasiyal sa Camp John Hay.
Gayunman, ito ay mula lamang 6 a.m. hanggang 7 p.m. tuwing Martes, Huwebes, at Sabado, habang inilalaan ang Linggo para sa mga senior citizens at mga may edad 21 anyos pababa.
Pinapaalalahanan naman ang mga bibisita sa Camp John Hay na palagiang magsuot ng mga face masks at sundin ang social o physical distancing.
Hindi rin papayagan ang pagpapasok ng mga pagkain bagama’t maaaring magdala ng sariling tubig na inumin.
