Tiniyak ng Philippine National Police (PNP) ang karampatang tulong sa pamilya ng nasawing opisyal nito habang ginagampanan ang kaniyang tungkulin.
Ito ang inihayag ni PNP Chief P/Gen. Archie gamboa matapos masawi sa engkuwentro ang Commander Ng Police Community Precinct 1 ng Pasay city pnp na si P/Lt Armand Melad.
Si Melad, kasama ang tauhan nitong si P/Cpl. Allan Baltazar ang sumita sa drug suspect na si Moamar Sarif at Joven Viña alyas Miko dahil sa paglabag sa quarantine protocols tulad ng hindi pagsusuot ng helmet at backriding sa motorsiklo nitong Hunyo 21.
Nagtamo ng tatlong tama ng bala sa katawan ni Melad na dahilan ng pagkasawi nito habang tinamaan naman ng bala sa binti si Baltazar subalit nasa maayos na siyang kalagayan.
