Nakapagtala ng karagdagang 630 bagong kaso ng coronavirus disease 2019 (COVID-19) ang Pilipinas.
Dahilan kaya umakyat na sa kabuuang 30,682 ang kaso ng COVID-19 sa buong bansa.
Ayon sa Department of Health (DOH), 467 sa mga bagong tala ang fresh case o mga bagong validated na kaso habang 163 ang late cases.
149 sa mga fresh cases ay mula sa Metro Manila, 164 ang mula sa Region 7, isa ang repatriate habang 153 ang mula sa iba pang bahagi ng pilipinas.
Samantala, sinabi ng DOH na umakyat na sa 8,143 ang gumaling mula sa COVID-19 matapos madagdagan ng 25 bagong recoveries.
Walo naman ang nadagdag sa mga nasawi na mayroon nang kabuuang bilang na 1,173.
