Arestado ang tatlong drug suspect matapos mahulihan ng P6.3-milyong halaga ng pinatuyong dahon ng marijuana sa Bontoc, Mountain Province.
Kinilala ang tatlong suspek na sina Wilfredo De Leon Magbanua, Noli Bendoy Navales, at Mary Grace Nepomuceno Lunas na pawang mga residente ng Dasmariñas, Cavite.
Ayon sa pulisya, sakay ng kotse ang tatlo nang maharang sa checkpoint sa bahagi ng Sitio Finew, Barangay Samoki sa Bontoc, pasado 11:15 p.m. kagabi.
Nasabat sa mga ito ang 53 bloke ng marijuana na tinatayang may bigat na 53 kilo.
Nahaharap ang tatlong suspek sa kasong paglabag sa Republic Act No. 9165 o Comprehensive Dangerous Drugs Act of 2002.
