Pinangunahan ni Manila Mayor Isko Moreno ang simpleng selebrasyon ng ika-159 nakaarawan ng pambansang bayani ng bansa, si Gat Jose Rizal.
Kasama ang iba pang mga opisyal ng Manila City Hall ay inalayan ng mga bulaklak ang bantayog ni Rizal sa Luneta Park.
Bantay sarado ng Manila Police District ang kapaligiran kung saan naruon ang bantayog ni Rizal upang maiwasan ang pagdami ng tao at masunod ang protocol sa social distacing.
Sa Pasig City, nagbigay pugay naman si Mayor Vico Sotto sa mga nagpakita ng kabayanihan sa panahon ng pandemya.
Naway mabuhay anya ang diwa ni Jose Rizal sa ating pang araw araw na buhay lalo na sa panahon ng covid pandemic.
Samantala nagkaruon rin ng wreath laying ang National Historical Commission, descendants of Jose Rizal at knights of Rizal sa estatwa ng batang Rizal sa Calamba City, Laguna.
