Isang babaeng kadete mula sa Zamboanga City ang mangunguna sa mga magtatapos sa 2020 Mandayug class ng PNPA.
Sa pamamagitan ng video na ipinost sa facebook inisa-isa ni PNPA Commandant of Cadets Police Brigadier General William Cayat ang mga nasa top 10 ng graduating class ng PNPA na nasa mahigit 200.
Pinangungunahan ito ni Fire Cadet Lei Anne Banico Palermo na tatanggap ng plaque of merit gayundin ng Presidential Kampilan at Chief, BFP Kampilan Awards.
Pasok din sa top 10 sina Jail Cadet Julius Caezar Tarnate mula sa Bagong Silang, Caloocan City, Police Cadet Zandra Tabar mula sa Curuan, Zamboanga City, Fire Cadet Lindon Narvaza mula sa North Cotabato, Jail Cadet Jerelyn Barua ng Capiz, Jail Cadet Irish Gumaru ng Isabela, Jail Cadet Enrico Reyes ng San Carlos City sa Pangasinan.
Top 8 naman si Police Cadet Jose Velasquez ng Cebu City, top 9 si Police Cadet Lanie Mendoza ng Camarines Sur at ika 10 si Police Cadet Jessielito Javier ng Lucena City.
Sa kabuuang bilang ng mga magtatapos, 202 ay magsisilbi sa PNP, 59 sa BFP at 16 sa BJMP.
Itinakda naman bukas, May 22 ang virtual graduation ceremony ng Mandayug class of 2020 ng PNPA.