Nanganganib na mag-negative (-) 2% hanggang -3.4% ang ekonomiya ng bansa ngayong taon.
Batay ito sa pagtaya ng economic team ng Pilipinas sa harap ng tinatayang pagkawala ng P2-trilyong kita dahil sa coronavirus disease 2019 (COVID-19) pandemic.
Posible rin umanong umabot sa 1.56-trilyon ang budget deficit ng bansa na katumbas na ng mahigit sa 8% ng ating gross domestic product (GDP).
Dahil dito, iminungkahi ng economic team ang P4.18-trilyon na national budget para sa susunod taon.
Halos pareho ito ng budget ngayong 2020 dahil sa inaasahang pagbagsak ng koleksyon sa buwis.
