Umano’y whistleblower sa NCMH sangkot din sa iba’t-ibang anomalya — NCMH Chief

May iba pang kasong kinahaharap ang dating Chief Admin Officer ng National Center for Mental Health (NCMH) sa Mandaluyong City na si Clarita Avila.

Ito ang naging pagbubunyag ni NCMH Director Dr. Rolando Cortez makaraang pabulaanan nito ang mga alegasyon ni Avila hinggil sa estado ng kalusugan ng mga kawani at mga pasyente nito na umano’y apektado ng COVID-19

Ayon kay Dr. Cortez, maliban sa social media post ni Avila kaugnay sa mga naaapektuhan ng COVID-19 sa loob mismo ng nasabing mental institution, marami pa umanong mga anomalyang kinasasangkutan nito

Hulyo 2019 ani Cortez nang ireklamo niya si Avila sa Office of the Ombudsman dahil sa pag-mamaneobra umano ng ilang proyekto sa NCMH na nagkakahalagang P80-M para mapunta sa isang kompanya kung saan, kasosyo s’ya

October 9, 2019 nang pinagsusumite sila ng Ombudsman ng mga dokumento kabilang na ang Personal Data Sheet, Oath of Office, Appointment at Service Record ng ilang mga empleyado ng NCMH

Duon nabunyag na ang 15 sa mga tauhan ng NCMH ay pawang malalapit na kaanak ni Avila na itinalaga nito noong siya pa ang Chairperson ng Selection and Promotion Board na isang malinaw na uri ng nepotismo alinsunod sa batas.

Kabilang dito ay ang mga sumusunod:

1. Aileen Tambago (kapatid ni Avila)
2. Roseni Aguilar (anak ni Avila)
3. Mark Aguilar (anak ni Avila)
4. Sarah Joy Aguilar Lobo (anak ni Avila)
5. Angel Aguilar (anak ni Avila)
6. Donaliza Indong (kamag-anak ni Avila)
7. Cristy Indong (kamag-anak ni Avila)
8. Liza Andez Quinonez (kamag-anak ni Avila)
9. Rommel Ty (kamag-anak ni Avila)
10. Maribel Andeza (kamag-anak ni Avila)
11. Jonalyn Supilanan (kamag-anak ni Avila)
12. Fe Avila Ryes (kapatid ni Avila)
13. Larry Andeza (kamag-anak ni Avila)
14. Ruben Reyes (pinsan ni Avila)
15. Julz Reyes (asawa ng pinsan ni Avila)

Dagdag pa ni Dr. Cortez, marahil ay kaya nanggugulo aniya umano si Avila ay upang pagtakpan ang mga anomalya nito subalit nagpasya siyang huwag muna itong patulan sa halip ay pagtuunan ng pansin kung paano lalabanan ang COVID-19 pandemic.

“May mas mabigat na problema ngayon ang basa at ito ang COVID-19 crisis. Yun muna dapat ang pagtuunan ng pansin, yung serbisyo sa mga mamamayan. Kami naman sa NCMH ay parating may transparency at accountability,” sabi n’ya. “Hindi ko alam kung bakit tila iba yata ang agenda ni Avila. Hindi ito nakakatulong sa atin sa panahon ng pandemic,” ani Cortez.

Comments

comments