Hinikayat ni House Commitee on Games and Amusement Vice Chair Ronnie Ong ang PCSO na maglunsad ng interactive mobile lottery games.
Sinabi ni Ong na makakatulong para makalikom ng dagdag na pondo ang pagsasagawa ng mobile lotteries sa gitna nang ipinatutupad na enhanced community quarantine.
Maaaring paubos na rin aniya ang pondo ng PCSO dahil nang ikasa ang lockdown ay tumigil na rin ang operasyon ng PCSO gayung nagpapapaabot pa ito ng tulong pinansyal sa iba’t-ibang ahensya.
Ayon kay Ong sa pamamagitan ng interactive at mobile apps ay maaaring makapaglaro pa rin ng Sweepstakes, Scratch It at iba pang lottery at ang pagbabayad ay maaaring gawin gamit ang credit cards, paypal at virtual wallets tulad ng Gcash, Smart Cash, Pay Maya at We Chat.
Dapat aniyang tiyakin lamang ng PCSO na mayroon itong top rated network security safeguards kung magsasagawa ng interactive at mobile platform.
