Hinarang ng mga residente ng isang barangay Calamba City sa Laguna ang pagdaan sa kanilang lugar ng isang tren ng Philippine National Railways (PNR).
Sinasabing walang travel pass at abiso ang nasabing tren sa naturang barangay lalo pat naka total lockdown ang nasabing lalawigan.
Hindi nakalusot ang tren dahil naglagay ng checkpoint ang mga residente sa mismong riles.
Inihayag naman ni PNR Spokesperson Joseline Geronimo na hindi dapat hinarangan ang riles dahil nagsasagawa lamang ng maintenance at inspection ang naturang tren para alamin ang kondisyon ng mga riles.
