Tiniyak ng Inter Agency Task Force (IATF) na mananagot ang mga local government units na magbibigay ng social amelioration sa mga hindi naman eligible na tumanggap nito.
Ayon kay Nograles, magsasagawa ng verification ang DSWD matapos ang pamamahagi ng pondo para i-validate ang listahan ng mga nabigyan ng ayuda.
Sakaling may makita aniya na hindi kwalipikadong tumanggap subalit binigyan ng LGU, kailangan itong i-refund ng lokal na pamahalaan sa DSWD at posibleng masampahan pa ito ng kaso.
Damay rin ang constituents ng local official dahil hindi na ito makakasama sa second round ng amelioration program para sa buwan ng Mayo.