Kinalma ng Department of Health (DOH) ang publiko kaugnay sa balitang kumalat ang sakit na COVID-19 sa Diamond Princess cruise ship dahil sa pagsasalo salo sa buffet at shabu-shabu hot pot.
Ayon kay Health Assistant Secretary for Public Health Services Maria Rosartio Vergeire, hindi nila ito maaring kumpirmahin o i – deny dahil wala namang direktang ebidensiya na sa naturang pamamaraan nga kumakalat ang COVID-19.
Hangga’t hindi pa ito napapatunayan ay dapat na maging maingat sa mga balitang tulad nito upang hindi naman maapektuhan ang mga negosyo.
Una nang lumabas sa napabalita na 10 miyembro ng isang pamilya ang nagkasakit ng COVID-19 matapos na kumain ng hotpot sa Hong Kong.
