Nagsalita na ang aktres na si Lovi Poe kaugnay sa napabalitang namataan siyang kasama ang kanyang ex-boyfriend na si Ronald Singson at anak nitong si Sam sa concert ni Ariana Grande noong nakaraang buwan.
Ayon sa aktres, nagkita lamang umano sila sa nasabing concert at naging close din sila ng daughter ni Ronald kaya’t di maiiwasang magpansinan ang dalawa.
Kuwento pa ni Lovi, hindi rin naman malabong maging kaibigan niya ang ex-boyfriend dahil sa common circle of friends nila, ngunit hindi na tulad ng dati dahil sa mga pinagdaanan at nangyari sa kanila.
Tiniyak din naman ng dalaga na bilang respeto sa kasalukuyang boyfriend na si Rocco Nacino ay wala na talaga silang communication ni Ronald.
By Jenny Valencia
