Natanggap na ng grupong National Democratic Front of the Philippines (NDFP) ang kopya ng ceasefire order ng pamahalaan.
Ayon kay NDFP Peace Panel Chair Fidel Agcaoili, natanggap nila ang kopya mula kay Labor Secretary Silvestre Bello III kahapon, Disyembre 26.
Kabilang sa kanilang mga natanggap ay ang suspension of offensive military operations at suspension of offensive police operations.
Aniya, umaasa sila na ipapatupad ng magkabilang panig ang ceasefire.
Samantala, sinabi naman ni Communist Party of the Philippines (CPP) Founder Joma Sison na hindi na kailangang kanselahain ang kanilang sariling ceasefire declaration matapos matanggap ang mga naturang dokumento.
