Nagpalabas ang Philippine Charity Sweepstakes Office (PCSO) ng P89M bilang ayuda sa mga biktima ng kalamidad mula nuon Oktubre hanggang Disyembre.
Ayon kay PCSO General Manager Royina Garma, pinagkalooban ng tig–P3.1M ang mga probinsya ng North Cotabato at Davao del Sur na kapwa tinamaan ng lindol nuuong December 15.
Binigyan naman ng bukod na tig P5M ang mga bayan ng Padada, Hagonoy at Matanao sa Davao del Sur dahil sa matinding pinsala ng lindol.
Kaugnay nito, umapela si Garma sa publiko na patuloy na tangkilikin ang mga laro sa ilalim ng PCSO para patuloy itong makatulong sa mga nangangailangan.
