Dalawa ang patay habang isa ang sugatan matapos na sumiklab ang bakbakan sa pagitan ng militar at ng Abu Sayaff terror group sa Sulu.
Ayon kay Western Mindanao command chief Lt./Gen. Cirilito Sobejana, nangyari ang engkuwentro dakong 5 a.m. ngayong Linggo, Disyembre 22, sa bayan ng Panama.
Kapwa may nalagas na isa sa panig ng mga sundalo gayundin sa mga kalaban habang isang sundalo rin ang nasugatan sa bakbakan.
Gayunman, kinumpirma ni Sobejana na nailigtas nila sina Maharudin Lunani at Samion Bin Maniue, 2 sa 3 Indonesian nationals na dinukot ng Abu Sayyaf sa Malaysia.
Patuloy ang pagtugis ng mga sundalo sa mga bandido para masagip ang isa pang Indonesian na kasama ng 2 nakalayang biktima.
