Dalawa patay habang 13 ang sugatan matapos araruhin ng isang delivery truck ang dalawang tricycle at isang jeep sa Mendez, Cavite.
Batay sa imbestigasyon ng Cavite Provincial Police, binabaybay ng delivery truck na may kargang buhangin ang municipal road ng Mendez nang mawalan umano ito ng preno.
Dahil sa lakas ng pagbangga, bumaligtad ang jeep kung saan dalawa sa mga sakay nito ang nasawi habang kritikal naman ang driver ng truck.
Inimbitahan naman sa istasyon ng pulis ang dalawang pahinante ng truck para sa isinasagawang imbestigasyon sa insidente.
