Ipatutupad muli ng Metropolitan Manila Development Authority (MMDA) ang stop-and-go traffic scheme sa pagtatapos ng 30th Southeast Asian (SEA) Games bukas, December 11.
Ayon kay MMDA Spokesperson Celine Pialago, magche-check out ng mas maaga o alas-10:30 ng umaga ang mga atleta at delegado mula sa iba’t ibang hotel sa labas ng Metro Manila.
Samantala, alas-2 naman ng hapon maglalabasan ang iba pang atleta at mga delegado na nanatili sa mga hotel sa Metro Manila.
Tinatayang 2,000 tauhan ng MMDA ang ipapakalat sa mga pangunahing lugar hanggang December 13.
Mahigit 8,000 atleta at 2,000 technical officials ang nasa bansa sa pagsisimula ng SEA Games noong isang linggo.
