Pinasususpinde ng Sandiganbayan si Bohol Governor Arthur Yap dahil sa umano’y pagkakasangkot nito sa multi bilyong pisong PDAF o Priority Development Assistance Fund Scam.
Sa ipinalabas na resolusyon ng Sandiganbayan, inatasan nito ang Department of Interior and Local Government o DILG na ipatupad ang 90 araw na preventive suspension laban kay Yap.
Ayon sa Sandiganbayan, kinakailangang isuspinde si Yap mula sa pwesto para maiwasang maimpluwensiyahan ng kanyang tanggapan o matakot ang mga testigo.
Magugunitang, isa si Yap sa mga kapwa akusado ni Misamis Occidental 1st District Representative Marina Clarete sa umano’y paggamit ng 62 milyong pisong PDAF nito sa mga non-government organizations noong ito’y kalihim pa ng Department of Agriculture.