Timbog ang lima katao kabilang ang isang dating bise alkalde matapos madawit sa isang investment scam sa Mandaue City sa Cebu.
Kinilala ng mga otoridad ang mga suspek na sina Caesar Ian Acenas, dating vice mayor ng Cagayan De Oro City, Ailyn Hope Matulac, Arjun Gumban, Maria Esperanza Makinano at Adjetar Daya, Jr.
Nagkasa ng operasyon ang mga otoridad matapos ang isinampang reklamong estafa laban sa mga suspek sa Davao City at Cagayan De Oro City.
Sinasabing “double your money” ang modus ng mga kumpanya ng grupo na NH Bliss Incorporated at BNHPA Holdings Incorporated.
