Naniniwala si Buhay partylist Rep. Lito Atienza na pagsasayang lamang ng pera ang paglaanan ng pondo ang marijuana research and development fund.
Ito’y kasunod ng pagsusulong na maglaan ng inisyal na P1.3B para sa nasabing pag-aaral sa marijuana.
Ayon kay Atienza maraming pwedeng mas mahalagang paggamitan ang pera ng mga taxpayer gaya ng feeding program.
Ang nabanggit na halaga aniya ay kaya ng pakainin ng 3 beses sa isang araw ang libu-libong batang nagugutom.
Pinangangambahan din umano ni Atienza na magamit bilang back door ang house bill 3961 para maisa-legal ang marijuana sa bansa.