Nag-anunsiyo na ang Department of Education (DepEd) ng suspensiyon ng klase ng mga estudyante at empleyado ngayong araw, Lunes, Setyembre 23, 2019, mula mamayang 3 p.m. bilang paggunita sa ika-27 National Family Week.
Sa memorandum mula sa DepEd, inatasan nito ang lahat ng kanilang tanggapan at mga pampublikong paaralan na patunugin ang kanilang mga bells, eksakto alasdose ng tanghali ngayong araw o bukas, bilang simbolo ng ‘nationwide awareness’ at ‘commitment’ sa pagkakaisa ng bawat pamilyang Pilipino.
Samantala, napili naman ng National Committee on the Filipino Family ang temang “Tungo sa Maginhawa, Matatag, at Panatag na Pamilyang Pilipino” bilang tema ng naturang selebrasyon ngayong taon.
