Naniniwala ang Department of Interior and Local Government o DILG na dapat maimbestigahan si Senator Ronald “Bato” Dela Rosa at iba pang mga naging hepe ng Bureau of Corrections o BuCor.
Kaugnay ito sa halos 2,000 mga convict na napalaya sa ilalim ng GCTA o Good Conduct Time Allowance Law.
Ayon kay DILG Secretary Eduardo Año, ilan sa mga nakinabang sa GCTA ang na – release sa ilalim ng pamumuno ni Dela Rosa kaya kailangan din itong masilip.
Aniya, dapat na maimbestigahan ang naging proseso at kung mayroong naging paglabag dito.
Naniniwala naman si Año na kayang kaya ni Dela Rosa na idipensa ang kanyang sarili sa naturang usapin.
