Halos 2,000 bilanggo na convicted dahil sa heinous crimes ang pinalaya ng Bureau of Corrections (BuCor) base na rin sa Good Conduct Time Allowance (GCTA).
Ang nasabing bilang, batay sa record ng BuCor ay kasama sa mahigit 22,000 Persons Deprived of Liberty (PDL) na pinalaya mula 2014 hanggang 2019 dahil sa GCTA.
Sa mga convicted sa heinous crimes, halos 800 ay nasentensyahan sa kasong murder, mahigit 700 sa rape, halos 300 sa robbery with violence o intimidation, halos 50 sa drug related offenses, 29 sa parricide, lima (5) sa kidnapping with illegal detention at tatlo (3) sa destructive arson.
Hindi naman tinukoy ng BuCor ang pangalan ng mga nasabing bilanggo.
