Kinumpirma ni Senador Vicente “Tito” Sotto III na kinukunsidera ng kampo ni Vice President Jejomar Binay na aluking tumakbo sa pagka-bise presidente si Senador Gringo Honasan.
Gayunman, sinabi ni Sotto na wala pang pinal na desisyon ang kampo ni Binay kung sino ang magiging running mate nito.
Nabatid na matalik na magkaibigan sina Sotto at Honasan.
Binanggit din ni Sotto na magiging hati ang kanyang desisyon sa kung sino ang kanyang susuportahan sakaling tumakbo si Honasan, lalo’t nagdeklara na rin ng kandidatura sa pagkapangulo si Senador Grace Poe na isa rin aniya niyang kaibigan.
By: Meann Tanbio
