Itinigil na ng Philippine Coast Guard (PCG) ang kanilang search and rescue operations sa pagtaob ng tatlong bangka sa Iloilo-Guimaras Strait, apat na araw matapos ang trahedya.
Ayon kay Coast Guard Spokesman Captain Armand Balilo, kanila nang ipinatigil ang operasyon matapos na maretrieve ang 31 labi ng mga nasawi sa insidente.
Gayundin ang 65 mga nakaligtas na pasahero.
Dagdag ni Balilo, all accounted na ang lahat ng mga pasahero at wala na aniyang mga pamilya ang naghahanap ng kanilang mga kaanak na nakasakay sa tatlong tumaob na bangka.
Kaugnay nito, sinabi ni Balilo na nagsimula na ang kanilang imbestigasyon kasama ang Maritime Industry Authority (MARINA) para matukoy ang mga dapat na managot sa trahedya at pinakamalapit na dahilan ng pagtaob ng tatlong bangka.
