Itinaas pa ni Pangulong Rodrigo Duterte sa limang milyong piso ang pabuya para sa ulo ng mga pumatay sa apat na pulis ng Ayungon, Negros Oriental.
Ayon kay Presidential Spokesman Salvador Panelo, kasabay ng pagtaas ng reward money ang matinding babala ng pangulo sa mga miyembro ng NPA o New Peoples Army.
Hindi anya palalampasin ng pangulo ang tila kawalan na ng takot ng NPA kung saan hindi na rin pinatatawad maging ang mga unipormadong tauhan ng pamahalaan.
Matatandaan na apat na pulis ang tinambangan at tinorture muna di umano ng mga hinihinalang NPA bago pinatay sa Sitio Yamot, Barangay Mabato, Ayungon, Negros Oriental.
