Patay ang hinihinalang miyembro ng Abu Sayyaf matapos makipag barilan sa mga sundalo sa Lantawan, Basilan.
Ayon kay Major Arvin Encinas, spokesman ng Western Mindanao Command, isinisilbi ng mga sundalo ang warrant of arrest laban sa kinilalang si Arod Wahing para sa kasong murder.
Gayunman, pumalag umano si Wahing at pinagbabaril ang mga sundalo kaya’t napilitang gumanti ang mga ito na siyang ikinasawi ng suspek.
Arestado naman ang dalawang kasamahan ni Wahing na nakilalang sina Nasser Jumadil at Jerry Ahang.
Nakuha sa suspects ang isang M1 garrand caliber 30 rifle at isang MK22 fragmentation grenade.
(with report from Jaymark Dagala)
