Supresang ininspeksyon ni Manila Mayor Isko Moreno ang Bonifacio Shrine na nasa tabi lamang ng City Hall ala 1:30 kaninang madaling araw.
Ito’y ilang araw makaraang sumailalim sa matinding paglilinis ang paligid ng nasabing bantayog na ilang taon nang sinalaula ng mga humihimpil doon.
Natakpan na rin ang mga butas sa bahagi ng bantayog na siyang pinamumugaran at pinaninirahan ng mga palaboy na una nang pinaalis sa lugar.
Bukod sa wala na ang mga nagtitinda sa paligid ng monumento at sa mismong plaza, mayroon na ring mga pulis mula sa Manila Police District ang nagsasagawa ng pagpapatrulya.
