Personal na nagpaabot ng pagbati ngayong Mother’s Day si Pangulong Rodrigo Duterte.
Sa Facebook post ng pangulo, binati nito ang lahat ng mommy o nanay sa buong mundo.
Ayon sa punong ehekutibo, hangad nya ang labis na kasiyahan at kuntentong buhay para sa lahat ng ilaw ng tahanan saan man ito naroroon.
Pahayag ng pangulo, batid niya kung paano ang maging isang ina, dahil mayroon aniya siyang nanay at nasaksihan niya kung paano ito naghirap at sakripisyo para lamang maitaguyod ang kanilang pamilya.
Kaya’t ngayong Mother’s Day, sinabi ni Pangulong Duterte, na marapat lamang na ipagmalaki at ipagdiwang ang di matutumbasang pagmamahal ng isang ina, na kayang ialay ang buhay para sa kaniyang mga minamahal.
—–
