Hinamon ng grupong Akbayan si Pangulong Rodrigo Duterte na humingi ito ng sorry sa panibagong pambabastos sa mga kababaihan.
Matatandaang naging kontrobersiyal ang panty joke ng pangulo kay Garcia – Hernandez mayor Tita Baja – Gallantes na nangyari sa Bohol kamakailan.
Ayon kay Akbayan Partylist Nominee Doris Obena, dapat na mag sorry ang pangulo sa alkalde at sa lahat ng mga Pilipina sa naging asal nito.
Hinikayat din ng grupo ang Pangulong Duterte na humingi ng paumanhin kina Weightlifting Gold Medalist Hidilyn Diaz at TV Host Gretchen Ho sa naging walang batayang akusasyon nito na may kaugnayan ang dalawa sa ‘Oust Duterte Matrix’.
