Nasungkit ng construction firm na DMCI o DM Consunji Inc. at partner nitong Marubeni Corp. ang kontrata para sa East Extension project ng Light Rail Transit Line 2.
Sinabi ng DMCI sa kanilang disclosure report sa Philippine Stock Exchange na ipinagkaloob sa kanila ng Department of Transportation o DOTr ang pagpapatayo ng dalawang istasyon para sa naturang proyekto.
Ang Marubeni Corp. naman ang tatayong consortium leader at mangangasiwa sa electrical at mechanical railways system.
Ang nabanggit na proyekto ay para sa pagbuo ng dalawa pang istasyon na may habang apat na kilometro at nagkakahalaga ng P3.2 billion.
Tatawagin namang Emerald at Masinag ang dalawang istasyong ito.
