Hinihintay pa ni Quezon City Mayor Herbert Bautista ang rekomendasyon ng iba pang ahensya ng lokal na pamahalaan bago ipasara ang Balintawak Market dahil sa pagiging “unsanitary” o madumi.
Umapela naman si Bautista sa mga vendor sa Balintawak ng pang-unawa lalo’t layunin lamang ng gobyerno na mapangalagaan ang kapakanan ng mga mamimili.
Nilinaw naman ng alkalde na pagagandahin at aayusin lamang nila ang naturang palengke maging ang iba pang pamilihan sa lungsod.
“Kung ang gusto ng may-ari na ang gagawin nila ay hindi sila magsasara eh dapat sumunod sila sa standard ng Quezon City government, at hindi lang sa Balintawak ito, lahat ito para malaman nila na seryoso ang gobyerno sa pag-aayos ng traffic, sa pagpapaganda ng lugar, sa kalusugan at kaayusan ng mga private markets.
By Drew Nacino | Ratsada Balita