Ipapatawag ng LTFRB o Land Transportation Franchising and Regulatory Board ang drayber ng jeepney na nasangkot sa isang aksidente sa Timog Avenue corner EDSA, Quezon City kahapon.
Ayon sa LTFRB, magkakaroon ng preliminary investigation sa naging salpukan ng jeepney at isang passenger bus kung saan nasugatan ang 12 pasahero.
Kasabay nito, siniguro naman ng LTFRB na mabibigyan ng medical assistance at benepisyo sa ilalim ng insurance ang mga biktima.
Sa paunang imbestigasyon, tumawid ang jeep sa intersection mula sa East Avenue kahit na dilaw na ang traffic light.
