Nagpatupad na ng forced evacuation sa ilang mga barangay sa lungsod ng Davao dahil sa pagbaha dulot ng pag-ulang dala ng Low Pressure Area (LPA) na dating bagyong Amang.
Ayon sa pamahalaan ng Davao City, inilikas agad ang mga apektadong residente partikular na sa San Miguel, Panacan, Kaliraya, Mega Homes, De Oro, at Tiloway dahil sa ga-tuhod na baha sa mga naturang lugar.
Na-stranded din ang ilang mga sasakyan sa bahagi naman ng Quimpo Boulevard.
Samantala, itinaas na rin ang code yellow alert sa Davao City.
—-
