Tumatabo pa rin sa takilya ang pelikulang Exes Baggage na pinagbibidahan ng real life exes na sina Carlo Aquino at Angelica Panganiban.
Sa ikatlong linggo ng naturang pelikula sa takilya, kumita na umano ito ng mahigit 300 milyong piso mula nang ipalabas ito sa mga sinehan.
Mapapanood pa rin ang pelikulang Exes Baggage sa may 160 sinehan sa buong bansa at ipalalabas din sa middle east at north America.
Nagsagawa na rin ng screening nito sa Hong Kong, Papua New Guinea, Saipan, Brunei, Thailand at Taiwan.
