Nanalasa ang isang ipo-ipo sa Marikina City kagabi kung saan dalawa (2) katao ang nakuryente makaraang mabuwal ang mga transmission line.
Ayon kay Marikina Mayor Marcy Teodoro, nasa ligtas nang kalagayan ang dalawa (2) matapos agad maisugod sa ospital.
20 bahay naman ang nasira sa pananalasa ng ipo-ipo na halos isang kilometro ang lawak ng tinahak nito.
Natumba rin ang dalawang matatandang puno ng acacia sa main road ng J.P Rizal sa Barangay San Roque at sa Sta. Elena.
Samantala, tumulong naman ang Philippine National Police-Maritime Group sa road cleaning ng lungsod.
