Nanindigan si Congressman Miro Quimbo sa pagtayong House Minority Floor Leader.
Sinabi sa DWIZ ni Quimbo na mahigpit na isinusulong ng lehitimong minorya sa Kamara ang pangunguna niya sa mga ito base na rin sa rules ng Mababang Kapulungan.
“Alam naman ng lahat na importante ang minority para sa check and balance dahil nakasaad talaga sa rules ‘yan eh so nais naming manaig kung ano ang tama, karapat-dapat at kung ano ‘yung hindi nakakahiya.” Ani Quimbo
Ayon pa kay Quimbo, nagtataka siya kung bakit nagpipilit si Congressman Danilo Suarez na manatiling lider ng minority group gayung numero uno itong supporter ni bagong House Speaker Gloria Macapagal-Arroyo.
“Ang talagang nagpipilit na patuloy pa rin siyang maupo bagamat alam ng lahat, ng buong sambayanan, at inaamin niya paulit-ulit na siya ang isang prime mover at nangampanya, number one endorser siya na nakapirma sa manifesto, nung panahong walang gustong pumirma siya ang nauna.” Pahayag ni Quimbo
(Ratsada Balita Interview)
