Engaged na ang international pop star na si Justin Bieber sa kanyang girlfriend na modelong si Hailey Baldwin.
Batay sa ulat ng celebrity news site na TMZ, nag-propose si Bieber kay Baldwin sa pamamagitan ng isang dinner date sa isang restaurant sa The Bahamas.
Sinasabi pang hiniling ni Bieber sa kanyang secuirty team na sabihan ang mga sumaksi sa proposal na itago ang kanilang mga cellphone at huwag i-record ang kaganapan.
Sa ngayon wala pang pormal na kumpirmasyon mula kina Bieber at Baldwin pero batay sa mga post ng mga magulang ni Bieber tila kanilang ipinahihiwatig ang nangyaring engagement.
Sa isang post ni Jeremy Bieber, ang ama ng international popstar, sinabi nitong kanyang ipinagmamalaki ang anak at excited din aniya siya sa bagong yugto sa buhay nito habang katagang “love love love love” lamang ang itiniweet ng nanay ni Justin.
Love Love Love Love Love Love Love.
— Pattie Mallette (@pattiemallette) July 7, 2018
Magugunitang unang na-link si Bieber sa iba pang celebrity tulad ng singer na si Selena Gomez at modelong si Sofia Richie.
—-
