Pangungunahan na ng NBA star player na si Lebron James ang Los Angeles Lakers sa susunod na season.
Kasunod ito ng opisyal na paglipat ni James sa Lakers kung saan pumirma ito ng apat na taong kontrata.
Ayon sa Klutch Sports Group, ang ahensiyang may hawak kay James, nagkakahalaga ng 154 million dollars ang kontrata ng NBA star player sa Lakers.
Ito na ang ikatlong beses na pagpapalit ng koponan ni James sa loob ng walong taon matapos naman bumalik ng Cavaliers noong 2014 kasunod ng apat na season sa Miami.
—-
