Welcome kay Senator Panfilo Lacson ang pagbuo ng Malacañang ng four-member panel na makikipag-dayalogo sa mga church leaders matapos ang kontrobersyal na pahayag ni Pangulong Rodrigo Duterte tungkol sa diyos.
Ayon kay Lacson, maganda ang ginawang ito ng palasyo lalo na’t marami aniya ang nasaktan sa mga binitiwang salita ng presidente.
Sinabi ng senador, mas mabuti nang magkaroon ng paglilinaw sa pagitan ng ehekutibo at ng simbahan sa pamamagitan ng dayalogo.
Naniniwala naman si Lacson na nagkakaisa ang karamihan ng mga kristiyano na initindihin na lamang ang pangulo kasunod ng kanyang naging controversial statement.
Tiniyak pa ni Lacson, na mananatili ang kanyang pagsuporta kay Pangulong Duterte dahil nakikita niya ang pagiging sinsero at pagsisikap ng chief executive na matupad ang lahat ng kanyang ipinangako noong 2016 elections.
