Umarangkada na ang “Dagit 2015”, ang joint exercise ng Philippine Navy at Air Force na layong palakasin ang kanilang inter-operability sa territorial defense operations.
Tinatayang 200 air force personnel at 150 navy troopers kabilang ang ilan sa kanilang mga makabagong kagamitan ang kalahok sa mga aktibidad.
Ayon kay Navy Public Affairs Chief, Commander Lued Lincuna, kasama rin sa aktibidad ang pagpapalitan ng subject matter expertise, classroom instructions at table top exercise.
Nakatutok ang mga military drill sa Naval Base Heracleo Alano sa Sangley Point; marine barracks Gregorio Lim sa Ternate, Cavite at paligid ng Manila Bay at Caballo Island.
Magtatapos naman ang military drills sa Setyembre 18.
By Drew Nacino
